:: Penolong Pegawai Perubatan Sarawak ::

:: Penolong Pegawai Perubatan Sarawak Portal::
 
HomePortalCalendarGalleryFAQSearchMemberlistRegisterLog in
Navigation
Log in
Username:
Password:
Log in automatically: 
:: I forgot my password
Latest topics
» PPP new website..
Fri Sep 09, 2016 2:12 pm by Jay Amarda

» SELAMAT HARI PENOLONG PEGAWAI PERUBATAN 2016
Tue Mar 08, 2016 8:38 pm by Jay Amarda

» Pegawai Perubatan di KK/K1M/KKIA
Sat Jan 09, 2016 10:37 pm by Jay Amarda

» MERRY CHRISMAT & HAPPY NEW YEAR 2016
Tue Dec 22, 2015 9:39 am by Jay Amarda

» PENGALAMAM DENGAN PERKHIDMATAN DOKTOR UDARA
Thu Dec 10, 2015 11:41 am by Jay Amarda

» Lastest Update and News for PPP
Thu Dec 10, 2015 8:03 am by Jay Amarda

» PPP BOLEH JADI PEGAWAI PERUBATAN
Sun Jul 19, 2015 8:21 pm by Aisyah98

» DEGREE FOR PPP. APA BIDANG YANG BERKAITAN
Sun Jul 19, 2015 8:18 pm by Aisyah98

» Visual Studio 2010 Free Download Full Version With Crack For Windows 7 64 Bit
Wed Mar 19, 2014 3:42 pm by maddprym

» perkembangan terkini naiktaraf KK Lubok Antu
Thu Oct 10, 2013 8:31 am by Roslan

» Helo...2013
Fri Jul 26, 2013 2:28 am by plus100lewishamiltonamat@

» FAIL MEJA UNTUK SEMUA
Sun Apr 07, 2013 4:02 pm by Amin zafri

» org baru...
Sat Feb 23, 2013 5:32 pm by arm S'h

» SURAT PEKELILING KETUA PENGARAH KESIHATAN MALAYSIA BIL.4/2009 PELAKSAAN PERKHIDMATAN KESIHATAN BERINTEGRASI(BERSEPADU)DI KLINIK KESIHATAN.
Sat Dec 08, 2012 2:02 pm by desmond edward

» PENDAFTARAN PERSATUAN PENOLONG PEGAWAI PERUBATAN SARAWAK
Tue Nov 06, 2012 10:23 am by Roslan

» Facebook satu lagi cara Yahudi bergerak!!
Wed Oct 24, 2012 1:46 am by anak pisang

» canon EOS 450D
Wed Oct 24, 2012 1:40 am by anak pisang

» TB Drugs Protocol
Wed Oct 24, 2012 1:39 am by anak pisang

» WANITA DAKWA SAKIT KULIT ANGKARA UBAT HOSPITAL.
Wed Oct 24, 2012 1:37 am by anak pisang

» REFERENDUM: MENGKAJI DAN MENJENAMA SEMULA NAMA JAWATAN ‘PENOLONG PEGAWAI PERUBATAN’ KEPADA SATU NAMA YANG LEBIH SIGNIFIKAN
Wed Oct 24, 2012 1:32 am by anak pisang

Similar topics
Affiliates














Follow us on Twitter


 



Share | 
 

 ensera iban ( manah dibaca ka pengingat bansa diri ) jerita linggir 'mali lebu'

View previous topic View next topic Go down 
AuthorMessage
bernxrd dst
Newbie Forumer
Newbie Forumer


Libra Buffalo
Posts : 129
Points : 133
Reputation : 0
Join date : 2009-08-01
Age : 31
Location : KK.NANGA MERIRAI KAPIT

Health Status
Health Points: 1

PostSubject: ensera iban ( manah dibaca ka pengingat bansa diri ) jerita linggir 'mali lebu'   Wed Aug 19, 2009 10:38 pm

JERITA LINGGIR 'MALI LEBU'.

Nyadi Uyut tu nama tuai Iban Batang Paku, dalam pati Batang Saribas. Iya tu berani serta lalu tau matak kayau anak, ngalah ka rumah sabuah, udah nya lalu pulai. Iya apin tau matak serang, taja ati iya endang nguji matak kayau anak awak ke tau serang. Nyadi kayau dibatak Uyut chelap, anembiak iya nadai kala rusak, lalu mudah bendar bulih dengah. Manok sabong Uyut maioh sereta tau dikarap ka iya magang. Menoa iya di Batang Paku dipala pasang. Iya mati leboh umor iya nyau tuai bendar empat tauka lima taun udah Raja James Brooke merintah menoa Sarawak.

Leboh Uyut jadi tuai di Paku Ili enggau Anyut, Libau ke dikumbai “Buban” megai menoa ari Nanga Samu lalu ngulu ka Batang Paku alah datai di entigis ai. Nyadi Libau tu enda berani tang ati iya manah lalu rurus megai adat menoa. Nyadi siko tuai Iban di menoa ili benama Adir “Bungkok”, mentua Linggir “Mali Lebu”, ke balat bendar ngembar Linggir ngator pemansang menoa sakayu Batang Paku, Anyut enggau Bangkit. Adir enda tau kayau, tang iya tuai alai mensia maioh di Batang Paku betanya ka adat tuai ke dikena mensia maioh diau nitih ka adat aki ini ke dulu ari rebak sida. Adir dikarap ka Datu Laksamana Amir megai pasu mengut kena mupu bansa Iban ngulu Paku. Menoa ili samoa bansa Laut kena pupu Datu Laksamana Amir empu magang. Serta udah parai Uyut, nya baru pansut anak iya ke benama Linggir nganti apai iya nyadi tuai Iban Paku ili enggau Anyut.

Agi idup apai iya menya, Linggir tak enggai gawa, ka kerja iya nemuai ngagai orang rumah sabuah-sabuah, lalu berandau enggau orang ke tuai-tuai pasal burong enggau mimpi manah kena tuai dulu matak kayau. Enti iya ninga tuai bisi matak kayau, iya lalu enggau orang nya ngayau. Leboh ngayau baka nya, nya baru iya badengah, tang iya nadai hari gawa bukai, laban ati iya balat bendar berunding ka pengawa kayau. Tambah mega iya endang anak orang bisi. Udah nya baru Enchana anak Sa, sama sarumah enggau Linggir balat bendar besulu enda tau jauh pangan. Leboh sida sama agi biak tu, enti Linggir nurun ngayau nitih ka tuai Batang Ai bukai, nurun ga Enchana sama enggau, laban leboh nya udah mati Uyut tuai Paku nadai agi tau matak kayau. Nyau kepuas seduai ke enggau tuai bukai ngayau seduai pan nyau maioh dengah udah ulih. Udah nya baru orang Paku minta ulu ka Linggir empu ngayau.

Terubah menoa dikayau Linggir nya Luba Nanga Rajang. Kayau iya tu bulih bendar laban manok sabong iya nyau deka bedengah magang. Ba rambau tu, menoa Sabelak, Sabetan, Awik enggau Krian apin diuan bansa Iban. Orang nguan menoa tunga kia leboh nya bansa Seru, Beliun enggau Baketan. Kedua kali kayau dibatak Linggir nya ngalah ka Sadong munoh munsoh tiga buah tumpok. Leboh perau sida nuntong ba pangkalan munsoh, Enchana ke diluan perau lalu terjun ngentak ka tiang taman. Linggir lalu terjun ari panggau kemudi, niti lembayan kajang ngenjing enda berenyut bangkong, peda iya tak udah laboh ba ujong luan. Ari nya iya lalu belanda nengah pantai reboh tang kaki iya tak enda tepurok, empa pemerantu iya ko kenang sida ke tuai. Sida bukai tepurok magang naka buah pah. Datai iya ba pala pantai lalu munoh munsoh putus sigi pala. Enchana ke nunda udi iya pan lalu munoh munsoh siko ke lalu putus pala dia.

Sida enda lama iga begau laban munsoh rari. Linggir enda ngasoh sida nitih ka munsoh jauh ka dalam kampong. Leboh kayau tu Linggir empu bedengah sigi, Enchana bedengah sigi, Menggin bulih sigi. Orang bukai pan maioh ga bulih dengah, tang penyampau semua dengah enda ulih ingat ka agi ditusoi orang ke sama enggau nayau leboh nya ngagai Mujah Anak Mambang menya. Nyadi leboh kayau tu bala Linggir ngenjing nadai rajai mimit. Sida pulai ka menoa lantang magang ati laban kayau bulih serta nadai rajai mesai sayat kemelang.

Ketiga kali Linggir matak kayau ngalah ka Belawai ba pun Tanjong Sirik. Leboh kayau tu Enchana, Minggat, Menggin enggau Mubok maioh bendar dengah. Tuboh sida enda maioh ka sabuah perau aja. Nyadi laban perau sida mit serta enggau tuboh enda berapa maioh, nya kebuah sida enda ati ngalah ke nengeri. Sida semina ngalah ka 3 buah rumah panjai munsoh aja. Udah rumah munsoh alah, sida lalu rari naban ka dengah guai ka ngerok. Leboh sida benong ngerok, dia semoa manok sabong bungah jako enggau Linggir.

“Nyadi nuan Watt, udah maioh dengah ari nuan agi disabong orang ngagai nuan tiga kali udah nyabong kami. Kayau batak nuan tiga kali ke udah tu chelap samoa. Ka agi tu ila nuan tentu enda agi ngiga nama diri empu bedengah baka ke udah tu. Nya alai samoa kami ke jadi manok sabong nuan diatu nyau deka ngaga ka nuan ensumbar,” ko Enchana.

Ninga nya lama Linggir tak ngenong, enda bemunyi. Udah nya baru iya nyaut, “Ba runding aku, manah kita ngaga bejulok diri empu dulu,” ko iya bejako ngagai bala manok sabong iya.

Ninga saut Linggir, nya alai Mubok lalu manjong nyintak pedang dikeritok iya ka langit lalu ngumbai ensumbar diri “Kendawang Ular Bisa”. Udah nya angkat ga Enchana lalu nyintak parang tundok lalu keritok iya ka langit. Iya lalu ngumbai ensumbar diri “Letan Pulas Mas” enggau panjong-panjong. Udah nya angkat ga Birai lalu nyintak pedang panjai keritok iya kelangit lalu manjong madah ka ensumbar diri “Jawa Jambai”. Udah nya lalu ditangkan ka Nyelang lalu nyintak pedang lalu manjong madah ka ensumbar diri “Guntur Dalam”. Udah nya angkat Rajit nyintak nyabor lalu manjong madah ka ensumbar diri “Moahari”. Udah nya lalu kentudi ka Briak nyintak pedang lalu manjong madah ka ensumbar diri “Bintang Beguang”. Udah tembu nya, nya baru samoa manok sabong iya bejako madah ka sida nyau deka ngaga ensumbar ka Linggir empu.

“Tau”, ko Linggir, “enti ensumbar digaga kita nya aroh ati aku. Enti iya enda manah, awak ka aku enda bensumbar skali”.

Ninga saut Linggir nya baru manok sabong iya baum kediri enda didinga iya. Ko pemutus runding sida, awak ka ensumbar Linggir digaga ka kitai “Mali Lebu”, nadai sangkut bukai, ko sida. Udah putus aum sida, nya baru manok sabong madah ngagai Linggir ensumbar iya diberi sida “Mali Lebu”.

Ninga nya Linggir nadai jako tang nerima ensumbar ke manah enggau patut ba ati samoa manok sabong iya. Penyuah Linggir ke bensumbar “Mali Lebu” udah matak kayau ngagai hari iya digaga ka bala manok sabong iye ensumbar 3 kali, leboh sida pulai ngalah ka Belawai. Penyampau dengah iya udah leboh tu 5 igi, lalu samoa kayau iya ke udah nya nadai kala sabau.


Linggir “Mali Lebu” Ninggang Kayau OKP Dana “Bayang” Ngalah Ka Undup:

Kira dalam taun 1837, sabedau Rajah James Brooke datai di Sarawak, OKP Dana Bayang bisi skali nesau tuai-tuai Iban Saribas mai sida ngayau ngalah ka Undup. Nyadi Iban ari Undup enggau Iban Dau selalu bendar ngaga pengachau bekayau ka Iban ari Kumpang enggau Lemanak ke diau di sabelah ili Batang Ai. Ngasai ka diri ka selalu kena kachau tu, sida lalu minta tulong OKP Dana Bayang bebalas nyerang Iban Undup enggau Dau.
......................

more - see on http://gnmawar.wordpress.com/
Back to top Go down
Ryan
New Forumer


Cancer Rooster
Posts : 13
Points : 13
Reputation : 0
Join date : 2009-06-23
Age : 35
Location : KK Trusan

Health Status
Health Points: 1

PostSubject: Re: ensera iban ( manah dibaca ka pengingat bansa diri ) jerita linggir 'mali lebu'   Wed Aug 19, 2009 11:14 pm

"Agi Idup Agi Ngelaban"
Back to top Go down
Nick
Moderator
Moderator


Libra Rooster
Posts : 766
Points : 856
Reputation : 8
Join date : 2009-05-07
Age : 35
Location : HUM

Health Status
Health Points: 1

PostSubject: Re: ensera iban ( manah dibaca ka pengingat bansa diri ) jerita linggir 'mali lebu'   Thu Aug 20, 2009 1:30 am

nya ia bulihhhhhhhhhhhh
Back to top Go down
http://WWW.YAHOO.COM
Nick
Moderator
Moderator


Libra Rooster
Posts : 766
Points : 856
Reputation : 8
Join date : 2009-05-07
Age : 35
Location : HUM

Health Status
Health Points: 1

PostSubject: Re: ensera iban ( manah dibaca ka pengingat bansa diri ) jerita linggir 'mali lebu'   Thu Aug 20, 2009 1:31 am

manah mai tatoo d nya punggal
Back to top Go down
http://WWW.YAHOO.COM
kesulai malam
Regular Forumer
Regular Forumer


Posts : 250
Points : 247
Reputation : 0
Join date : 2009-08-17

Health Status
Health Points: 1

PostSubject: Re: ensera iban ( manah dibaca ka pengingat bansa diri ) jerita linggir 'mali lebu'   Thu Aug 20, 2009 9:40 am

manah jerita tuai nya..enti bc agi..upld meh cak..awaka kitai sama olih bkgsi.
Back to top Go down
bernxrd dst
Newbie Forumer
Newbie Forumer


Libra Buffalo
Posts : 129
Points : 133
Reputation : 0
Join date : 2009-08-01
Age : 31
Location : KK.NANGA MERIRAI KAPIT

Health Status
Health Points: 1

PostSubject: Re: ensera iban ( manah dibaca ka pengingat bansa diri ) jerita linggir 'mali lebu'   Thu Aug 20, 2009 12:43 pm

tau nusur laman web - iban cultural herritage alu bsi penulis nama gnmawar . dia ia bsi laman web http://gnmawar.wordpress.com/ ti ngundan myh macam ensera sereta penatai bansa kitai iban. manah endar ka penemu smpan ktai.
Back to top Go down
kesulai malam
Regular Forumer
Regular Forumer


Posts : 250
Points : 247
Reputation : 0
Join date : 2009-08-17

Health Status
Health Points: 1

PostSubject: Re: ensera iban ( manah dibaca ka pengingat bansa diri ) jerita linggir 'mali lebu'   Thu Aug 20, 2009 12:46 pm

TQ cak..apahal nn megai manuk? ka nyabong? aram main HOLO..
Back to top Go down
bernxrd dst
Newbie Forumer
Newbie Forumer


Libra Buffalo
Posts : 129
Points : 133
Reputation : 0
Join date : 2009-08-01
Age : 31
Location : KK.NANGA MERIRAI KAPIT

Health Status
Health Points: 1

PostSubject: Re: ensera iban ( manah dibaca ka pengingat bansa diri ) jerita linggir 'mali lebu'   Thu Aug 20, 2009 12:55 pm

haha.... lmai lg tau.. g opis hour... bdau time mejeng.. nganu cip lg.haha
Back to top Go down
Nick
Moderator
Moderator


Libra Rooster
Posts : 766
Points : 856
Reputation : 8
Join date : 2009-05-07
Age : 35
Location : HUM

Health Status
Health Points: 1

PostSubject: Re: ensera iban ( manah dibaca ka pengingat bansa diri ) jerita linggir 'mali lebu'   Thu Aug 20, 2009 1:16 pm

nyangkung meh
Back to top Go down
http://WWW.YAHOO.COM
kesulai malam
Regular Forumer
Regular Forumer


Posts : 250
Points : 247
Reputation : 0
Join date : 2009-08-17

Health Status
Health Points: 1

PostSubject: Re: ensera iban ( manah dibaca ka pengingat bansa diri ) jerita linggir 'mali lebu'   Thu Aug 20, 2009 1:19 pm

ok..bc ikan diak geng?
Back to top Go down
Nick
Moderator
Moderator


Libra Rooster
Posts : 766
Points : 856
Reputation : 8
Join date : 2009-05-07
Age : 35
Location : HUM

Health Status
Health Points: 1

PostSubject: Re: ensera iban ( manah dibaca ka pengingat bansa diri ) jerita linggir 'mali lebu'   Thu Aug 20, 2009 1:37 pm


Ensera Iban - Indai Alui Abis Garam




Nyadi Apai Aloi tu endang orang ke pintar bejako dalam menoa nya. Tang
taja iya pintar bakanya, suah mega iya saru pengawa dikereja tauka saru
jako dipansutka ngagai orang.
Nyadi
tumu pagi siti, dia Enchelegit Nangga Langit, Enchelegi Nangga Hari,
bini Apai Aloi angkat berapi pagi ka sida sabilik. Leboh asi udah
mansau, dia iya lalu berengkah mela tubu ka lauk pagi nya. Udah tembu
mela tubu nya, dia iya nemu garam sida udah abis.

“Oh, abis garam aku tu,” ko iya bejako kediri berandau nengali. “Nama penyadi tubu tu nadai garam kena ngulai.”

Ninga indai Aloi bejako kediri, dia deh Apai Aloi lalu nanya, “Nama utai dikarandau ka nuan, Enchelegit?”

“Eh!
Kitai nadai agi garam kena ngerami tubu tu. Enti nuan deka, manah nuan
nemuai ngagai sida indai di Panggau minta garam,” ko Indai Aloi.

“Nama guna enggau garam ?” ko Apai A loi.

“Eh! Dikena aku ngerami paku-tubu, “pia ko saut Indai Aloi.

“Au! Lagi meh aku minta garam,” ko Apai Aloi.

Udah
nya angkat iya lalu begari. Pasok ka iya baju bisi charik, pasok ka
tanchut bisi rubik. Belit ka labong gari batik. Tangkin duku jungkang
tarik.

Udah begari, lalu nurun meh tudah tuai. Nyadi rumah sida
mentua iya numbas ga penyauh ari nya. Enda tentu berasai iya bejalai
lalu datai. Dia iya lalu niki ka rumah sereta napat ka ruai sida mentua
iya, lalu terus tama ka bilik. Iya lalu nudok ka diri di bilik.

“Akai rai! Lelak aku tu bejalai,” ko iya.

“Oh! Nama kabuah nuan bangat ngenumu nya deh, Apai Duat? Nama utai dipeguai ka nuan?” ko mentua iya nanya.

“Es! Nadai kabuah bukai, semina diasoh Indai Duat minta garam kena ngerami paku-tubu,” ko saut Apai Aloi.

“Au,
Apai Duat,” pia ko saut mentua iya. Udah nya lalu ditungkus ka mentua
iya garam lalu disimpan dalam ma Apai Aloi. “Nya, Apai Duat udah aku
simpan garam ba ma nuan,” ko mentua iya.

“Au, manah meh nya,” ko Apai Aloi.

Udah
nya iya lalu mulai ka diri. Di rantau jalai iya ke mulai ka diri, dia
iya mansa madang paku. Lama iya ngenong dia. “Oh, nya madang paku,
tentu paku nya diasoh Indai Aloi gerami aku garam,” ko iya bejako ka
diri berandau nengali. Iya lalu ngambi upih ari ma iya, lalu digerami
iya madang paku ngena garam nya.

Angkat iya ari nya, lalu datai ba tanjong madang perin rigai, peda iya tubu maioh bendar nyumbok sabelah nya dia.

“Bah!
Nya madang tubu! Tentu tubu nya ke diasoh Indai Duat gerami aku ngena
garam,” ko iya bejako ka diri berandau nengali. Iya mega lalu berengkah
ngerami tubu dia datai ka garam iya abis.

“Nya baru tubu tu masin ila, udah digerami ngena garam,” ko iya bejako ka diri, gaga ati ka pengawa diri udah tembu.

Udah
tembu ngerami paku enggau tubu, iya pan lalu mulai ka diri ka rumah iya
empu, ari ili Nanga Panggau. Datai iya di rumah sida empu, hari pan nya
deka tengah hari. Sereta datai iya lalu tama ka bilik. Ma iya lalu
diengkah iya ba tempuan lalu disandih ka iya ba dinding. Meda iya datai
lalu beguai meh Indai Aloi nyerungkai ma iya, peda iya upih sarang
garam udah puang, semina mimit aja garam bisi lekat ba salepak upih nya.

“Ni garam dibai nuan deh, Apai Duat?” ko Enchelegit.

“Nama
utai ditanya ka nuan! Bisi aku bulih garam diberi indai nuan tang udah
abis dikena aku ngerami paku-tubu di rantaujalai tadi. Aku ga nitih
kajako nuan. Nuan madah ka garam nya kena ngerami paku-tubu,” pia ko
saut Apai Aloi.

“Kasih-kasih meh nuan nya deh Apai Duat, enda
nemu reti jako. Ukai nya dikena ngerami paku-tubu dalam babas ko aku.
Dikena ngerami engkayu kitai di rumah,” ko Enchelegit.

“Nuan
ngumbai aku tambap, aku enda tambap. Nuan ke tambap enda nemu bejako.
Nuan ngasoh aku minta garam ngagai sida indai nuan di Panggau kena
ngerami paku-tubu ko nuan. Nya alai paku-tubu ga digerami aku ngena
garam. Tu dikena ngerami daun kayu ga ko nuan. Dini agi bisi garam kena
ngerami utai ngemaioh nya?” ko Apai Aloi.

Enchelegit lalu katawa rakah-rakah berunding ka jako Apai Aloi. Udah nya sida sabilik sama makai merarau belauk tubu tabar.

Moral of the story : berjako nya awak ke terang...anang nu bepusing2...ngelu pala bai ka mereti ka jaku nya...au???
Back to top Go down
http://WWW.YAHOO.COM
Nick
Moderator
Moderator


Libra Rooster
Posts : 766
Points : 856
Reputation : 8
Join date : 2009-05-07
Age : 35
Location : HUM

Health Status
Health Points: 1

PostSubject: Re: ensera iban ( manah dibaca ka pengingat bansa diri ) jerita linggir 'mali lebu'   Thu Aug 20, 2009 1:38 pm

Ensera Aloi Mati Kentut






Ensera Aloi Mati Kentut.
Nyadi ensera tu barengkah ari Aloi seduai Ini iya ke diau nyembuah
kadiri di Nanga Sungai ti dikumbai Sungai Isang Babelit, dalam Pati
Batang Gelong. Seduai iya diau enda bangat jauh ari ulu Nanga Gelong.
Orang ke diau ari ili seduai iya pan maioh mega, laban menoa nya ke
nyau semak pasar ka bisi ba Nanga Sungai nya.
Nyadi sakali nyepi diri nyau puas makai nadai lauk, dia Ini Aloi
lalu bejako enggau Aloi. “Aloi, pama nuan undor ka pasar, ngipa utai ka
lauk. Nyau puas nadai lauk, nadai garam,” ko Ini iya bejako.
“Au, meh Ini, lagi meh aku undur ka pasar, nyangka bisi sida uda mai kasam,” ko saut Aloi.
Udah nya Aloi lalu beradu. Nyadi Aloi ke beradu tu tadi baka ke
enda, tak samina melit ka sirat sebelit aja. Udah iya tembu melit ke
anak sirat iya, Aloi lalu nurun minching sengayuh siti. Datai ba
pengkalan, endang enda chachamang lalu nepan ka perau, lalu belabuh
bekayuh penapat inat. Iya bekayuh sapagi-pagi. Peluh tudah Aloi
ngenjing bekarenjoi nurun kening. Enti baka iya bebaju endang sigi
tentu basah laban peloh, tang laban iya ke enda bebaju. Nyau
kelama-lama iya ke udah dugau-dugau bekayuh, dia deh iya ninga auh
kukok manok. “Ah! Enda jauh agi pasar,” pia ko ati iya bejako kediri
berandau nengali. Nyau ka lama dinga gerong-gerong labu orang mansang
nyauk datai ari atas. Ari maia nya nyau ka tengah hari.
“Nama nya nuan deh Aloi?” pia ko Ini iya.
“Nama nya nuan ga deh Ini?” ko saut iya. “Kemaia nuan datai ditu deh Ini?” ko iya nanya Ini iya.
“Nama utai ditanya ka nuan. Tu ga endang pengkalan kitai.” Ko saut Ini iya.
Angkat deh Aloi tu tadi enda ingat muka tali perau ari liking. Iya ke
bekayuh nya tadi endang enda mindah ari pengkalan sida empu.
“Aih deh Aloi. Andal-andal aku ngumbai nuan udah datai di pasar meli
lauk. Enti pia, aram meh tua sama undor ka pasar.” Pia ko Ini iya.
Ini iya lalu muka tali perau ari liking, serta ngejang ke luan
perau. Seduai lalu berkayuh undur ngili ai Gelong. Apin bangat jauh
udah seduai ngejang la pengkalan, dia Aloi lalu tepeda ka bangkai ukoi.
Aloi enda senunoh bendar, endang sebarang utai rara.
“Nama nya tak baka ukoi tua deh Ini?” ko iya.
“Badu enda iya meh nya.” Ko Ini iya nyaut.
“Enda tua tau nyadi undor, Ini. Jai burung tua.” Ko Aloi.
Enda meh seduai nyadi undur ka pasar, laban udah meda bangkai ukoi ba rantu ai. Nya ga jai burong ko Aloi.
Ukoi nya udah mati kira dua tiga hari dulu ari nya, diatu iya nyau
melepong laban ke udah nyau bentut serta bau buot. Leboh Aloi narit
bangkai ukoi dia iya nanya, “Kati alai bangkai ukoi tu tak bebau deh
Ini? Mati ukoi tu?” ko iya.
“Au, udah mati meh ukoi nya,” ko saut Ini iya. “Nama utai nya bebau
buot sium nuan, udah mati meh nya,” ko Ini iya madah ka Aloi.
Nyadi pagi siti Aloi seduai Ini iya pan sama tumu beradu deka undur
ka pasar ngalu utai ka lauk. Seduai lalu sama nepan ngagai perau ti
endang udah dibuka Ini Aloi lalu undur ngili sungai. Kira tiga tanjong
seduai udah undur ngili ka ai, dia seduai lalu betemu enggau bangkai
but ukoi tepanggai ba tugong reba ti betakat ba tengah ai. Bau bangkai
ukoi ngenjing nempoh lubang idong. Tang endang baka Aloi, sebarang utai
rara.
“Kati alai ukoi nya bebau Ini? Mati ukoi nya?” ko Aloi.
“Au, udah mati meh ukoi nya,” ko Ini iya nyaut ari luan perau.
Seduai iya pan majak ka diri berkayuh seruran regup-regup ngili ai.
Nyau ka lama seduai ti udah bekayuh, dia deh Ini Aloi lalu kentut. Nyau
berenyang asai perau kena kesuh kentut Ini Aloi, serta balat bendar
bau. Laban iya ke dudok di luan perau, nya alai bau kentut balat bendar
ngesuh ngagai Aloi serta nempoh iya ke ngemudi ka perau.
“Apu! Mati meh Ini aku tu,” pia ka Aloi bejako dalam ati diri. Iya
pan lalu tusah ati ngenang Ini iya ke udah mati. Luan perau lalu
dituntung ka iya ngagai tebing. Ini iya lalu engkechit ka tebing
nyangka Aloi mai iya ngetu enda lama. Udah nya Aloi lalu ngejang ka
perau iya baru ari tebing ngagai puak ai.
“Nama main nuan nyangkai ka aku ditu dah uchu?” ko Ini iya ngangau ka Aloi ari tebing.
“Nuan ga udah mati deh Ini,” ko Aloi.
“Apin aku mati deh uchu,” pia ko tudah Ini iya nyaut Aloi.
“Mati meh nuan Ini. Nuan ga nyau udah bau buot deh,” ko Aloi ngelaban Ini iya dia.
Udah nya kejang ke iya perau takut ke Ini iya ke udah mati nitih ka iya baru ko ati iya.
“Endai …… Keba nuan tambap deh Aloi.” ko Ini iya ngangau ari jauh.
Dia Aloi lalu beguai mupok bekayuh. Iya enda beduli ka kanggau Ini
iya agi. Dia iya lalu bekayuh kediri-diri ngili ai. Enda bangat lama
iya udah bekayuh, dia iya lalu ninga burong richah bendar ba tebing
sungai nya.
“Nama utai empa burong nya da dia?” ko ati iya.
Datai iya ba senentang burong ke richah, Aloi lalu rangap-rangap
engkadah ka atas. Peda iya bala burung mit enggau burong ke besai nyau
bebintih berebut makai buah kara. Peda iya jelu anak pan ngemaioh nya
mega. Da tan-tan ke iya perau enggau sengayuh sambil rangap-rangap
nengkadah burong enggau jelu ba puchok kara. Sepi iya tak merubas tama
rekong iya, lalu telan iya. Utai ke labuh nya tadi iya nya tai
engkerabak enggau tai bala burung.
“Ho! Udah mansau endar buah kara, nama tu tak nyau penat asai buah
tu tama nyawa aku deh?” ko ati iya. Iya pan majak muka mulut diri
nerima utai ke labuh ari puchok kara nya. Aloi pan nyau kenyang laban
pemaioh tai jelu enggau tai burong ti laboh tama nyawa iya. Udah nya
Aloi lalu bekayuh nat ke perut nyau segai kenyang. Lama agi segai agi
ga asai perut iya. Purus iya perut sepi nyau tengelam belit sirat laban
angin dalam perut. Apin bangat jauh ari nya, dia iya tak lalu kentut
inggar bendar. Nyau berenyang asai perau kena kesuh kentut Aloi.
“Apu!” ko iya, “Enti baka tu mati nangga hari meh aku tu deh, parai nyengai lemai.”
Bau kentu Aloinya tadi nyau baka bau buot ukoi. Aloi tu tadi lalu
tusah ati berunding ka diri ke mati. Dia iya nyau enda engkebut dudok
dugau-dugau ba kemudi perau baka bangkai. Sengayuh ke dikena iya nyau
tebalengka ari jari. Perau iya lepong-lepong rarat ngili ai. Leboh iya
mansa rumah orang, dia orang alit ati meda gaya iya. Ditanya orang ke
dipansa iya, endang enda nyaut sakali laban ti udah mati ko penemu iya.
Leboh iya tepeda ka buah nyau mirah mansau, dia iya lalu mengkelak,
“Ah! Sayau meh aku tu udah mati. Enti aku enda udah mati, tentu aku
olih niki lalu makai buah nyin,” ko iya bejako kediri, berandau nengali.
Maioh macham buah bukai dipeda iya. Ari ili nya dia iya meda orang
nyual ikan, undang, burung, keli enggau macham lauk bukai. Leboh iya
mansa pasar dia iya balat agi ga tusah ati. Orang ke bepansa enggau iya
pan alit bendar ati meda iya tak beranyut enggau perau enda kebut-kebut.
Nyau kelama udah nya, perau iya lalu pansut ari nanga sungai ngagai
tasik besai ledong lalinang. Dia iya lalu besatup enggau ribut ke
bepuput bepulas uchong, angin ke bepusin puting beliong, kilat jampat
ngelambai bungkong, guntur temepur inggar tetaung, bakul muat gelumbang
besabong, mangka ka januar kapal lambong, putus serumbong patah
singkilong rantai besi.
Nyadi perau Aloi ama tenggelam ama melepong ama telentang ama
mengkanjong. Iya empu nyau tenggelam ditaban ke bangkung. Nadai agi
pegari panjong, enggau orang ka Tanjong stak-stong, betumpu dan enggau
wong tujoh beranggong, tuai sebayan ke dajan dulu pumpong, mandi di
lepong mandai mati. Mati meh tudah Aloi nengali hari, parai meh Aloi
nengali lemai, dajan meh tudah Aloi Tambap nyenggai bulan.
Back to top Go down
http://WWW.YAHOO.COM
Nick
Moderator
Moderator


Libra Rooster
Posts : 766
Points : 856
Reputation : 8
Join date : 2009-05-07
Age : 35
Location : HUM

Health Status
Health Points: 1

PostSubject: Re: ensera iban ( manah dibaca ka pengingat bansa diri ) jerita linggir 'mali lebu'   Thu Aug 20, 2009 1:39 pm

Ensera Antu Lakak






Ensera Antu Lakak
Nyadi Apai Aloi tu orang ke udu bendar rindu ka pengawa nyumpit
enggau berikan. Bisi sakali dia iya berunding deka ngasu ngagai kampung
ti enda jauh ari umai sida, laban bekau babi bisi endar ngachau utai ti
ditanam sida ba umai. Nya alai pagi hari siti, agi urap hari, dia Apai
Aloi ngasuh bini iya Enchelegit berapi nyendia ka bekal dikena iya.
“Oh Indai Duat, berapi nuan ke aku dia,” ko iya, “Aku tu deka ngasu katas kia pagi tu”.
Nyadi Enchelegit lau nyaut, ninga Apai Aloi ke deka ngasu. “Pama agi
nyumpit tau ke begiga ikan ke ulu Sungai Madu, endor ikan betelu nyaru,
ngabu nyungkang ke batang,” pia ko Indai Aloi. “Nama guna nyumpit
samina ngulih ke burung ke ka mesai bulu mata.” Ko iya.
Udah nya Indai Aloi lalu angkat berapi surong jari, surong kaki.
Jari nyau baka ke deka muar kesa, kaki nyau baka ke sengat semada. Asap
melap datai di para asi pan lega, asap melap datai di sadau asi pan
mansau. Asap melap datai di perabong asi pan ditanggung.
Udah asi iya mansau, Indai Aloi lalu mungkus bekal ngena upih. Iya
mega lalu nyimpan garam, belachan, semakau enggau daun gentu ke insap
Apai Aloi. Udah Indai Aloi tembu ngadu ke bekal, dia Apai Aloi lalu
mupok nurun ngasu. Leboh iya deka nurun iya lalu ngangau ka ukoi iya ke
benama Jela.
“Diiiiih Jela, diih-diih,” ko iya ngangau ka ukoi iya. Jela lalu
kaong-kaong nguit ka iko ransing ati nitih ka iya nurun. Datai seduai
iya ba tisau serarai dia iya lalu ninga nendak muak ke kiba, lepas nya
lalu dibalas nendak tunga ke kanan.
“Oh! Manah burung tu,” Ko ati Apai Aloi, “laban nya burung surung
Unggat, burung ngayu ka mandok jelu,” Ko ia bejako kediri berandau
nengali. Enda berasai iga iya bejalai ari endor ke ninga burung nya
tadi, dinga tak nyerarat salak Jela.
“Jamah Jela jamah, jamah Jela jamah!” ko ia ngangau ke ukoi ia. Iya
seruran nitih ke salak ukoi. “Chih! Chih! Chih! As-Jela-as!
as-Jela-as!” ko iya meransang ukoi iya. Enda lama udah nya, dinga iya
naan babi. Iya lalu beguai-guai belanda ngagai babi ti naan. Tang tak
enda mukai-mukai kaki iya lalu tesangkut. Iya pan lalu bebaring belat
lalu taberap ka pun rutan dudok.
“Hah deh! Pachal ga kaki tu enda meda jalai!” ko iya muchau munyi
Melanau nimbau bangkong. Iya lalu ngeransi ngigit kaki diri empu, empa
pemedis ati iya. “Akai-rai!” ko iya, “Pedis endar kaki aku!” ko iya ga
nat ka pemedis diri.
Udah nya iya lalu kejingka angkat, lalu belanda baru, nitih ke Jela.
Bekal iya nyau abis tebarayan sabelah babas, empa pamendar iya ke
belanda. Nyau kelama Apai Aloi udah nitih ke Jela, iya pan datai ga ba
endor babi ke nan ka Jela. Nya baru iya meda babi siko besai bendar.
Babi nya nyau tekup-tekup disalak Jela ba ulu lebak. Udah nya ansak ka
Apai Aloi semak ke agi. Nyau umbas penyauh alai iya nikam, nya baru iya
numbuk babi enggau sangkuh kebat, peda tak lalu chuit-chuit lekat ba
rusuk kanan. Kena endar abi disalinting Apai Duat.
“Hah! Tu baru iya lagi!” ko Apai Aloi gaga ka diri udah bulih babi.
Udah nya baru iya mulai kediri mai bangkai babi. Bulih samaut pemanjai
taring babi, lalu di san Apai Aloi sagala-gala. Kenu ko cerita, nyau
bungkok undang belakang Apai Duat kena tating babi ngamesai nya. Leboh
iya nyan bangkai babi, dia iya lalu berunding enggai mai babi nya datai
ka rumah tang ditinggal ka iya ba tisau umai.
“Kapa aku kiroh nyan babi nya pulai ngenyaoh nya. Manah agi aku
ninggal ka iya ditu dulu. Malam lagi nya baru aku napat ka iya baru,”
ko Apai Aloi bejako kadiri. Iya lalu ngengkah ka babi nya ba tisi umai
sida lalu mulai ka diri ka rumah.
Datai iya dirumah serta udah begari, iya baka ke enda ga, lalu minta
api kena iya bekindu. “Meri aku api nuan dia, Enchelegit, kena aku
bekindu. Chelap bulu tu.” Ko iya ngangau ka Indai Aloi. Enchelegit pan
lalu pansut ga ari bilik mansang mai api kena Apai Aloi bekindu, laban
Apai Aloi kumbai iya amat chelap bulu munyi ko iya.
Nyadi leboh iya bekindu, Apai Aloi lalu ngulur ka iku sirat iya
ngagai api. Udah nya lalu ngangau ke Enchelegit baru. “Oh! Indai Duat!
Indai Duat! Meri aku kayu maioh ka agi, chelap bulu tu.” ko iya. Dia
lalu ngaga diri digak-digak chelap.
“Heh! Iko sirat nuan angus apai.” ko Aloi ngerara iko sirat apai iya empa api.
“Enda apa, aku chelap, lak ke angat agi,” ko apai iya nyaut.
Indai Aloi pan lalu pansut ari bilik mai kayu saberekas mesai kisar lalu diengkah ka iya semak bedilang endor Apai Aloi bekindu.
“Kapa nuan kayu ngemaioh nya, Apai?” ko Aloi nanya.
“Eh! Ke sengkilu. Dikena aku bira,” ka iya nyaut.
Udah nya Apai Aloi lalu nurun deka mansang bira. Nyadi Indai Aloi,
laban ka nemu bendar ulah Apai Aloi, endang sangka ka iya bisi bulih
babi.
Nyau udah lama Apai Aloi udah nurun, nya baru Aloi seduai indai iya
nurun nitih ke apai iya. Datai seduai ba tisi umai sida, dia seduai
meda api Apai iya melap-melap dikena iya emparu babi ulih iya ngasu.
Nyah! Peda nuan Aloi, endang amat munyi ko aku,” ko indai iya nganu
Aloi, “Nya ulah apai nuan enggau kitai. Lagi tua beduan apai nuan,
ngaga diri nyadi Antu Lakak. Iya takut bendar ka Antu Lakak.”
Udah nya seduai lalu belalai ngaga diri nyadi Antu Lakak enda bangat
jauh ari Apai Aloi ka emparu babi. Dia seduai lalu bemunyi. “Lakak!
kak! kak! kak! kak! …. Meri pah sapiak. Enti enggai meri, peruti perut
nuan lagi.” Ko Enchelegit.
Ninga Antu lakak bisi bemunyi minta babi semak iya dia, Apai Aloi
pan lalu tekenyit. Laban ke takut bendar ka Antu Lakak, dia iya lalu
netak pah babi sapiak lalu tikau ka iya ngagai babas.
“Nyah, nya meh untong enggi nuan, anang minta, anang nyanda agi!” ko Apai Aloi.
Enda bangat lama udah nya, kira udah tembu Apai Aloi emparu pah babi
ke sapiak agi, bemunyi baru ga Aloi seduai Indai iya. “Lakak! kak! kak!
kak! kak! …. Meri pah spiak agi, enti engggai meri keruk leka mata nuan
lagi ngambi ka nuan buta.”
Ninga Antu Lakak agi minta babi munyi nya, Apai Aloi pan lalu netak
pah babi sapiak agi lalu ditikau ka iya ke babas baru. Nyau kapuas Antu
Lakak minta babi ke ulih Apai Aloi, tak enda berasai samoa isi babi iya
nyau abis diberi ngagai antu. Samina tinggal pala enggau perut babi agi
ka ungkup Apai Aloi. Samoa isi bukai udah diberi ngagai Antu Lakak
magang.
Aloi seduai Indai iya pan mulai ka diri ka rumah, mai babi babas ka
ulih seduai ari Apai Aloi tadi. Babi nya tadi lalu dibela serta
dipandok Indai Aloi ka sida sabilik di rumah.
Udah tembu Apai Aloi makai pala enggau perut babi nya tadi, iya lalu
mupok mulai ke diri kerumah. “Ah! Nya baru tembu endar nyawa tu,” ko
iya bejako kadiri gaga ati ke udah makai pala enggau perut babi nengali
kadiri. Datai dirumah, iya lalu bekindu baru. Udah nya iya lalu nindok
ke diri. Leboh iya ke tindok, laban udah kenyang makai babi, dia mulut
iya lalu rangap-rangap tebuka. Indai Aloi lalu nyungkit tinga iya, nyau
bulih semangkok tinga iya disungkit Enchelegit.
Meda tinga ngemaioh nya, lalu dilulun Indai Aloi nyau bulih seruas
munti. Udah mansau lulun tinga Apai Aloi, lalu dituang ke dalam mangkok
tachu. Pagi nya Enchelegit lalu ngumbai makai. “Makai Apai Duat! Makai
kitai tu.” Ko Indai Aloi. “Au, lapar perut tu,” ko iya. Mangkok pansuh
tinga diengkah ke Indai Aloi semak chapak iya, lalu lauk ke bendar nya
diengkah ke Enchelegit semak Aloi seduai iya.
Udah nya sama makai sida menyanak. Sepi Apai Aloi lauk tak penat.
“Nama lauk tu tak penat?” ko iya. Meda bakanya iya lalu nyepi lauk Aloi
seduai Indai iya. Sepi iya tak nyamai. “Nama lauk kita nyamai deh? Lauk
aku tak penat, nadai asai.” Ko iya nganu Indai Aloi.
“Enda nemu meh, sama belauk ka lauk nya ga kitai,” ko Enchelegit.
“Enda ah, tak lain gamal enggi aku tu. Tak bau telu manok banggar,”
ko Apai Aloi. “Enggi seduai bisi kerat, enggi aku tak pamur.” Ko iya.
“Nuan ga tambap, ansang ka lubang, alit lubang burit,” ko Enchelegit.
“Nama penambap aku?” ko iya nyaut Indai Duat.
“Tinga nyah nya, tinga nuan empu ka lauk nuan nya,” ko Enchelegit.
“Beduan aku nuan Enchelegit,” ko saut Apai Aloi. Peda gamal iya udah
ringat, nyau gitik-gitik anak buah isi iya bai iya ngering diri bejako.
“Nadai beduan nuan, tang nuan ke beduan kami duai Duat. Nuan ga bam
angam, nuan ke tambap lap.” Ko Enchelegit nyaut iya. Iya tak nyau
chinang-chinang leka mata empa pemedis ati iya. “Nuan ke nengali babi
kediri enda ngampit ka bini-anak dirumah.”
Ninga nya iya lalu tendu mimit bejako, ngasai kediri endang amat
udah deka nengali babi. “Dini agi bisi babi! Udah dipinta Antu Lakak
nya alai aku ke nadai mai pulai kerumah,” ko iya. “Badu enda meh Apai
Duat. Kami dua Aloi ke ngaga diri nyadi Antu Lakak tadi, meda nuan
bangat angam bam nengali babi,” ko Enchelegit.
“Oh apai kita nya deh! Enti aku nemu nya seduai ke nyadi Antu Lakak,
anang ke isi, tunjing pan enggai meh aku meri seduai,” ko iya nyaut,
tang iya nyau balat bendar malu. Angkat iya lalu nyau pansut karuai,
lalu ngempas ke pintu. Iya lalu enda makai, laban agi ringat ke nya.
Datai iya diruai lalu gali babungkur apus enggau pua tekalong.
Back to top Go down
http://WWW.YAHOO.COM
Nick
Moderator
Moderator


Libra Rooster
Posts : 766
Points : 856
Reputation : 8
Join date : 2009-05-07
Age : 35
Location : HUM

Health Status
Health Points: 1

PostSubject: Re: ensera iban ( manah dibaca ka pengingat bansa diri ) jerita linggir 'mali lebu'   Thu Aug 20, 2009 1:41 pm

Ensera Pelandok Numbit Bandir Tapang






Nyadi
skali kenu ko sida niang Ini kalia, Gajah sida Badak baum ba pulau
tanah siti. Nyadi ba pulau nya tumbuh kayu ka bebesai baka tekam,
keladam enggau madang tapang. Bandir tapang maioh agi ke nyau ka baka
dinding empa pemesai.

Nyadi seduai baum
laban deka muka pengerami mimit, serambi ka dikena ngingat ke pengelama
seduai ke udah bepangan enda belaya agi. Tembu seduai ke baum, seduai
lalu ngiga maioh macham utai ke nyamai-nyamai diempa, baka buah sebelah
kampong enggau buah bukai semak kampong melayu.

Udah nya seduai
lalu ngambi buah nyiur enda jauh ari kampong melayu enda jauh ari
tebing tasik. Ko seduai buah nyiur kena ngupah sapa orang tetumbit ke
bandir tapang sereta lalu tekebus ka iya. Nyadi endor bandir tapang tu
enda jauh ari seduai ti deka muka pengerami nya.
Seninjik bendar leboh nya mega, Pelandok pan datai ngagai seduai kia. Nama agi deh Pelandok tu endang orang pintar.

“Apu! Nama utai dikerja seduai ditu deh sambi?” ko Pelandok nanya seduai.
Dia Gajah seduai Badak lalu nusoi samoa leka aum seduai ti deka muka
pengerami mimit ngagai Pelandok. Dilah Pelandok seruran kelur-kelur
serta tuchum legup ninga berita seduai. Gajah seduai Badak lalu ngasoh
Pelandok nesau samoa jelu dalam kampong ngasoh sama datai ngagai
pengerami nya. Pelandok lalu madah ke pengaga ati diri ninga berita
nya, lalu iya pan lalu nyanggup betesau sebelah menoa nya dia.

Udah nya Pelandok
lalu mupok madah ke Sambi Tekura ti endang sulu iya. Seduai iya baum
lemai nya. Leboh seduai ti baum tu tadi dia Pelandok lalu tulih ke
runding enggau akal ti manah.

“Sambi,” ko iya nganu Tekura. Pala Tekura lalu enchekol mimit mending ka jako Pelandok.

“Manah nuan ngambi buor ba sida Baginda Rajah Landak.”
“Eh! Kapa guna nya Sambi?” ko Tekura nanya.
“Anang guai nanya dulu,” ko Pelandok. “Lagi nuan nemu, ti aku madah ka nuan.

Udah nya lalu nyau
meh tudah Tekura tu tadi ringkap-ringkap mansang ngambi buor ngagai
rumah Baginda Rajah Landak. Nyau kelama datai tudah Tekura mai buor
ngagai Pelandok. Mai buor nya seduai lalu mansang ngagai pun tapang ke
deka alai orng bepekit numbit bandir pagi siti. Datai dia, seduai lalu
berengkah ngebur bandir tapang ke enda jauh ari endor Gajah seduai
Badak ke deka muka pengerami. Nyadi seduai ke ngebuor bandir tapang
endang semalam-malam nya. Udah tembu seduai ngebur bandir tapang nya
seduai lalu ngadu ke lubang abi buor nya manah-manah, isi ke seduai
abok buor ke dalam lubang mimit awak ke orang enda ngelala bekau buor
seduai iya.

Pagi hari siti
Pelandok lalu berengkah nesau samoa orang datai ngagai pengerami ti
dibuka Gajah seduai Badak. Samoa jelu ti enggau iya betemu diasoh iya
sampal datai magang. Iya bejalai sepagi-pagi nya, bukit diturun bukit
ditiki, sungai diulu, sungai di ili, laban enggai ke samoa jelu enda
enggau ngabang pengerami Gajah seduai Badak.

Iya meh samoa jelu
udah abis kena tesau iya lalu pulai baru. Kira nyau tarik mata panas,
samoa jelu pan nyau udah datai magang. Leboh bala jelu sama udah
terentak datai, dia Gajah seduai Badak lalu bejako enggau bala jelu
madah ka kabuah seduai ke muka pengerami nya. Badu Gajah seduai Badak
nusoi kabuah diri ke ngaga pengerami, bala jelu maioh pan berengkah
serta belabuh makai enggau ngirup. Udah kemas makai enggau ngirup, dia
Gajah seduai Badak lalu madah ngagai orang maioh pasal sida ke deka
bepekit numbit bandir tapang .

Ko seduai iya, sebarang sapa bagi kitai tekebus ka bandir tapang nya lagi, deka diberi upah buah nyiur.

Ninga nya, nama agi
deh bala jelu ke bebesai, nyau bechakap dia. Nya meh tudah Pelandok
seduai Tekura nyau abis deka kena indik bala sida ke bebesai. Nyau
pedis ati seduai ensepi diri bangat digaga orang baka nya. Udah nya
lalu bejako Pelandok.

“Anang bangat
bechakap ngudu nya kita,’ ko iya. “Enti ka, ti bangat ngumbai diri
kering tak tumbit meh bandir tapang nya ulih kita. Enda nyamai bendar
tak nyau besap-besap abis ka kena indik kita.” Ko iya.

Ninga jako Pelandok
munyi nya, lalu angkat Gajah nguji numbit bandir tapang. Tumbit Gajah
dia nyau temegum-temugum bandir tapang laban kaki Gajah, daun nyau
besepur laboh laban renyang puchok tapang ditumbit Gajah, tang bandir
enda bumbus, samina kulit ngeliti mimit. Suah Gajah nguji deka mumbus
ke bandir tapang, nyau macham-macham chara iya, tang tak enda olih iya.
Samoa jelu, lebih agi sida ke besai sama bela nguji numbit bandir nya
magang tang siko pan nadai meh tulih deka ngebus ka bandir tapang nya.
Nyau abis samoa jelu bela nguji deka numbit serta mumbus ka bandir
tapang, tang enda olih magang.

Nyau kelama, nya
baru Pelandok angkat junok-junok. “Au! Enda olih kita meh nya,” ko iya.
“Uji lak ka kami duai sambi Tekura nguji ka pengering diri.”

Bala samoa jelu ninga jako Pelandok munyi nya, lalu baka rakah
ketawa. Bisi nyau pegari kentut bai ketawa. Gamal ke mesai nya deka
nguji numbit bandir tapang. Deh kami ke besai serta kering agi enda
tebumbus ka iya.” Ko jelu bukai bejako.

“Anang guai bejako
munyi nya meh samoa kita. Ni kita nemu nasit siko. Gamal kita amat
besai, tang keda enda kita biak agi ari aku deh,” ko Tekura. “Pengering
enggau penggemit gamal enda tau ka banding. Bah! Sambi, tumbit bandir
tu ulih tua,” ko Tekura nganu Pelandok.

Lama Pelandok enda
nyaut iya. Iya tembu neranting ka anak buah isi iya, lalu mulut iya
tembu kulap-kulap baka ke muchau ka menserum iya. Nyau kalama iya ke
udah ngering ke isi diri, serta mulut pan lama ga udah kulap-kulap, nya
baru iya madah ke diri deka belabuh numbit bandir tapang nya. Dia
seduai lalu ba-bah sereta numbit bandir tapang nya. Peda tak sama
tembus ari spiak kaki seduai. Tak nyau besebun seku bandir tapang kena
rejang kaki Pelandok.
Udah nya seduai sama narit kaki seduai.

Meda utai baka nya,
ngenong samoa bala jelu ti bisi datai ngagai pengerami nya. Nadai siko
sida sangka ka Pelandok seduai Tekura tekebus ke bandir tapang nya.
Sida iran bebdar ati meda pengemit gamal seduai ti ulih mumbus ke
bandir tapang. Pedis bendar ati sida Gajah, Badak enggau jelu besai
bukai, tang deka sida ngayan ka pemedis ati diri, nyau takut ga sida
udah meda pengering Pelandok seduai Tekura.

Nyadi
Pelandok seduai Tekura, sama gaga bendar ensepi diri tetembus ka bandir
tapang nya. Dia seduai engkechit kiba kanan sabelah nya dia. Pelandok
lalu ngetis-ngetis ka kaki diri ngerawis tanah sebelah nya dia. Baka ke
agi deka numbit bandir nya baru, kenu ko gamal iya dipeda jelu bukai.

Nyau udah puas
seduai ke ngayan ke pengaga ati diri ti udah menang bepekit numbit
bandir, nya baru seduai nerima upah buah nyiur, upah seduai ke tanda
pengering seduai ke udah olih mumbus ke bandir tapang, ti enda olih
dikereja jelu bukai. Gaga amat seduai, lebih agi leboh seduai ninga
jako puji orang maioh. Tembu nya, samoa bala jelu mupok mulai ka diri
magang, tang lalu enda nemu diri udah alah laban akal Pelandok seduai
Tekura.
Back to top Go down
http://WWW.YAHOO.COM
kesulai malam
Regular Forumer
Regular Forumer


Posts : 250
Points : 247
Reputation : 0
Join date : 2009-08-17

Health Status
Health Points: 1

PostSubject: Re: ensera iban ( manah dibaca ka pengingat bansa diri ) jerita linggir 'mali lebu'   Thu Aug 20, 2009 1:48 pm

manah amai ensera nn nya cak
Back to top Go down
apai bidah
Newbie Forumer
Newbie Forumer


Taurus Rat
Posts : 184
Points : 186
Reputation : 0
Join date : 2009-05-08
Age : 32
Location : Currently in Bintulu

Health Status
Health Points: 1

PostSubject: Re: ensera iban ( manah dibaca ka pengingat bansa diri ) jerita linggir 'mali lebu'   Fri Aug 21, 2009 3:52 pm

nda patut ikan nadai ba kapit..........mudik ke ulu merirai kin d manang....ngiga bala cda ayak aku...ngemai cda berikan...ila d ngirum kasam ke aku kito.......k
Back to top Go down
http://WWW.GOOGLE.COM
Deressa
Moderator
Moderator


Cancer Rat
Posts : 1070
Points : 1189
Reputation : 0
Join date : 2009-07-14
Age : 32
Location : SGH

Health Status
Health Points: 1

PostSubject: Re: ensera iban ( manah dibaca ka pengingat bansa diri ) jerita linggir 'mali lebu'   Sun Sep 27, 2009 9:43 am

balat cerita cdak tok~ lol!

_________________
がりえ しあ
Back to top Go down
polok
Newbie Forumer
Newbie Forumer


Libra Pig
Posts : 136
Points : 136
Reputation : 4
Join date : 2009-09-05
Age : 33
Location : serian

Health Status
Health Points: 1

PostSubject: Re: ensera iban ( manah dibaca ka pengingat bansa diri ) jerita linggir 'mali lebu'   Sun Sep 27, 2009 3:22 pm

kasam semah
Back to top Go down
anak pisang
VVIP Forumer
VVIP Forumer


Taurus Rooster
Posts : 642
Points : 637
Reputation : 2
Join date : 2009-05-21
Age : 35
Location : HQ

Health Status
Health Points: 1

PostSubject: Re: ensera iban ( manah dibaca ka pengingat bansa diri ) jerita linggir 'mali lebu'   Sun Sep 27, 2009 5:10 pm

nyamai ya ciak
Back to top Go down
polzdscholzd
VVIP Forumer
VVIP Forumer


Gemini Dog
Posts : 705
Points : 750
Reputation : 8
Join date : 2009-06-21
Age : 34
Location : KeNyAlAnG EaRtH

Health Status
Health Points: 1

PostSubject: Re: ensera iban ( manah dibaca ka pengingat bansa diri ) jerita linggir 'mali lebu'   Tue Dec 08, 2009 8:56 pm

sungai kapit sigi besai..maoih ikan diak..silap2 boya bc gak kine..he2

_________________
Be A MasTeR Of YoUr MiNd BeFoRe U BeCoMe A MaStErMiNd
Back to top Go down
Sponsored content




PostSubject: Re: ensera iban ( manah dibaca ka pengingat bansa diri ) jerita linggir 'mali lebu'   Today at 7:37 pm

Back to top Go down
 
ensera iban ( manah dibaca ka pengingat bansa diri ) jerita linggir 'mali lebu'
View previous topic View next topic Back to top 
Page 1 of 1
 Similar topics
-
» Hakikat Jati Diri Manusia
» tradisi 7 bulanan
» Menurut Alkitab Allah itu Roh atau ZAT ?
» menjatuhkan kata talak tidak boleh maen-maen
» Pengin tahu bagaimana kelakuan imigran muslim di Australia yang membuat islam "laku keras" disono ???

Permissions in this forum:You cannot reply to topics in this forum
:: Penolong Pegawai Perubatan Sarawak :: :: General Forum :: Sembang - Sembang Kosong-
Jump to: